NSÍ hevur havt aðalfund, har tað er greitt, at Dánjal Hansen verður nýggjur formaður í felagnum. Arnfinn Langgaard, sum hevur verið formaður seinasta árið, verður nú kassameistari.
Dánjal Hansen hevur drúgvar royndir sum fótbóltsspælari. Hann hevur sambært Faroesoccer.com spælt 179 dystir í bestu deildini í Føroyum. Hann spældi í bestu deildini frá mitt í 90 unum til 2008.
Nýggjur nevndarlimur í NSÍ er Bergmann Finnson, sum kom í nevndina fyri Bjartur Nolsøe, sum ikki stillaði uppaftur. Seinnu árini hava Kinna Fritsdóttir og Sonni L. Petersen eisini staðið á odda fyri NSÍ.
Nevndin hevur skipað seg soleiðis:
Dánial Hansen, formaður
Oddfríður Gaardbo, næstformaður
Arnfinn Langgaard, kassameistari
Oddvør Jacobsen, skrivari
Bergann Finnson, nevndarlimur.
Jóna Kristiansen, tiltakslimur
Ann Mari Nolan, tiltakslimur
