Leygardagurin var heilt góður hjá Suðringum. Besta liðið vann 4-0 í Fuglafirði, og á Vágseiði vann næstbesta liðið 2-0 ímóti teimum næstbestu hjá NSÍ.
Úrslitið ber við sær, at AB varðveitir oddasessin, og at KÍ framvegis er næstfremst.
Talan var um søtan sigur, sum ber við sær, at Suðringar lættu seg trý stig frá niðurflytingarstrikuni.
Hetta var fyrsti sigur eftir, at Suðringar onga úrtøku hava vunnið í fýra dystum á rað. Sigurin var merkisverdur á tann hátt, at hann varð vunnin ímóti NSÍ, sum higartil hevur verið heilt frammi millum tey bestu.
Tað gekk javnt á, og tað var málleyst, inntil tað restaðu tjúgu minuttir. Tá setti Hávar Albinus hol á. Hetta var fyrsta málið hjá honum í ár. Sjey minuttir seinni staðfesti Palli Augustinussen sigurin. Palli er venjari hjá næstbesta liðnum hjá Suðringum. Hann var á beinkinum frá dystarbyrjan og skifti seg sjálvan inn bara ein minutt frammanundan, at hann skoraði.
1.deild
Suðringar-NSÍ 2-0 (0-0)
1-0: Hávar Albinus 70.
2-0: Palli Augustinussen 77.
Støðan
AB 24 stig
KÍ 23 stig
NSÍ 22 stig
HB 17 stig
B68 17 stig
Víkingur 16 stig
Suðringar 13 stig
B36 11 stig
Giza Hoyvík 10 stig
ÍF 0 stig
B68 og Giza Hoyvík hava spælt 10 dystir, og hini liðini hava spælt 11 dystir
Mikudagin
B68-Giza Hoyvík – útsettur dystur frá sjeynda umfari
12. umfar
Týsdagin 13. juni
ÍF-Suðringar
Víkingur-KÍ
NSÍ-Giza Hoyvík
HB-B68
B36-AB
