Norsku hondbóltskvinnurnar vístu í gjárkvøldið, hví liðið er ein av favorittunum til at vinna heimsmeistarakappingina.
Noreg er altíð millum favorittarnar, tá spælt verður HM, EM ella OL í kvinnuhondbólti.
HM í Týsklandi í hesum døgum er einki undantak. Í gjár spældi Noreg fyrsta dystin, og vann liðið trygt 30-22 á Ungarn í bólki B.
Dysturin var í veruleikanum longu avgjørdur eftir 18 minuttir, tá tað stóð 13-5 til Noreg eftir fyrsta dystin, og í hálvleikinum søtðan 21-11.
Sjálvt um Ungarn kláraði seg eitt sindur betur eftir steðgin, so var tað ikki nóg mikið at fáa fatur í tryggju norsku leiðsluni.
Umframt Noreg og Ungarn eru Tjekkia, Pólland, Svøríki og Argentina í bólki B.
Pólland vann 33-30 á Svøríki, og Tjekkia vann 28-22 á Argentina.
Í bólki A vann Spania 28-24 á Angola. Fyrr um kvøldið eydnaðist Slovenia at vinna 24-23 á Frankaríki í sama bólki.
/ritzau/
