Noreg er í skrivandi stund tað besta norðurlendska manslandsliðið í hondbólti.
Noreg hevur fyri løtu síðani vunnið 29-24 á verandi evropa, heims, og olympisku meistarunum, Fraklandi, og hevur harvið sensasjónelt tryggjað sær pláss í hálvfinaluni í EM-endaspælinum, sum er í Póllandi í hesum døgum. Støðan í steðginum var 12-11 til Noreg. Kent Tønnesen skeyt seks mál fyri Noreg, og Kristian Bjørnsen skeyt fimm mál. Michael Guigou gjørdist toppskjútti hjá Fraklandi við fimm málum.
Tað leikaði javnt á í fyrra hálvleiki, og fyrsta partin av seinna hálvleiki. Tað var ikki fyrrenn við støðuna 18-17 til Noreg, at norðmenn fóru frá fraklendingum.
Fyrr í dag vann Hvítarussland 30-29 (14-13) á Makedonia. Klokkan 19.30 spæla Pólland og Kroatia. Pólland er betri innanhýsis ímóti Fraklandi, og kann við javnleiki ímóti Kroatia tryggja sær pláss í hálvfinaluni.
Støðan í EM millumbólki 1 :
| 1 | Noreg | 5 | 4 | 1 | 0 | 153:141 | 9 |
| 2 | Pólland | 4 | 3 | 0 | 1 | 115:105 | 6 |
| 3 | Frakkand | 5 | 3 | 0 | 2 | 145:130 | 6 |
| 4 | Kroatia | 4 | 2 | 0 | 2 | 116:111 | 4 |
| 5 | Hvítarussland | 5 | 1 | 0 | 4 | 128:151 | 2 |
| 6 | Makedonia | 5 | 0 | 1 | 4 | 130:149 | 1 |
