Tað segði hann í gjár, sambært almennu norðurkoreansku tíðindastovuni, KCNA.
Orðini vórðu søgd undir vitjanini hjá norðurkoreanska leiðaranum í verjumálaráðnum í landinum í sambandi við ársdagin fyri stovnan av norðurkoreanska herinum.
Her ákærdi Kim hernaðarliga samstarvið millum USA, Japan og Suðurkorea fyri at skapa hernaðarligan ójavna í økinum og skapa álvarsligar trygdarligar avbjóðingar.
Tað er í sambandi við hansara atfinningar av trílandasamstarvinum, at hann í gjár segði, at tað verða móttiltøk, eitt nú sum framhaldandi menning av kjarnorkuætlanini hjá landinum.
Hann greiddi ikki nærri frá, hvat ein slík gongd serliga fór at merkja.
Ritzau/Reuters
