Sambært kanningini, sum Gallup hevur gjørt fyri Tjóðveldi á Fólkatingi, so er norðoyingar ikki longur treystastu loysingarfólk, so sum tey vóru í 1946
Ta ferðina vildu tveir triðingar av øllum norðoyingum hava loysing her og nú. 954 atkvøddu fyri loysing og 398 ímóti. 67,3 prosent fyri og 28,1 prosent í móti. Í Norðoya valdømi var undirtøkan størst fyri at loysa Føroyar úr Danska ríkinum.
Men tað er hon als ikki nú. Er kanningin hjá Gallup eftirfarandi, so eru norðoyingar næstan líka sambandshugaðir, sum suðuroyingar. 40 prosent av suðuroyingum og 48 prosent av norðoyingum eru beinleiðis ímóti, atføroyingar skulu miðja eftir at gerast sjálvstøðug tjóð.
Niðanfyri síggja vit úrslitið av fólkaatkvøðuni 14. september í 1946, tá føroyingar atkvøddu, um Føroyar skuldu loysa frá Danmark, Pkt 2, ella um »stjórnaruppskotið«, Pkt 1, sum snúði seg um at varðveita sambandið við Danmark – sum endaði við heimastýrislógini í 1948.
Pkt 1 | Pkt 2 | Ógyldugar | Tils. | Valrætt | Luttøka | ||||
Norðoyggjar | 398 | 28,1% | 954 | 67,3% | 65 | 4,6% | 1.417 | 2.220 | 63,8% |
Eysturoy | 1.372 | 54,4% | 1.051 | 41,6% | 101 | 4,0% | 2.524 | 3.854 | 65,5% |
Norðstreymoy | 544 | 45,2% | 621 | 51,6% | 38 | 3,2% | 1.203 | 1.679 | 71,6% |
Vágarnar | 434 | 40,0% | 616 | 56,7% | 36 | 3,3% | 1.086 | 1.485 | 73,1% |
Suðurstreymoy | 673 | 31,7% | 1.309 | 61,7% | 138 | 6,5% | 2.120 | 3.323 | 63,8% |
Sandoy | 286 | 36,5% | 465 | 59,4% | 32 | 4,1% | 783 | 1.053 | 74,4% |
Suðuroy | 1.783 | 71,6% | 640 | 25,7% | 68 | 2,7% | 2.491 | 3.602 | 69,2% |
Tilsamans | 5.490 | 47,2% | 5.656 | 48,7% | 478 | 4,1% | 11.624 | 17.216 | 67,5% |
Niðanfyri sæst veljarakannigin, sum Gallup gjørdi fyri Tjóðveldi á Fólkatingi:
