Norska krónan er nú so lág, at roknað verður við, at tað verður trongligt á norsku fjøllunum í vetur. Aftonposten skrivar, at kring alt Noreg hava skístøðini fingið munandi fleiri bókingar í ár enn vanligt hevur verið seinnu árini. Og tað eru bæði norðmenn og útlendingar, sum vilja standa á skí á norsku fjøllunum.
Norska krónan er lág í løtuni, og tí er tað blivið dýrari hjá norðmonnum at fara út í Europa at ferðast, og hinvegin er tað blivið bíligari hjá útlendingum at fara til Noregs.
