Herfyri bórust tey tíðindi, at frískúlin við Hoyvíkstjørn í Havn mátti lata aftur, tí næmingagrundarlagið nú var ov lítið til, at tað loysti seg at halda fram við skúlanum.
Í tí sambandi hevði skúlastjórin ringt runt til foreldrini, so tey kundu finna sínum børnum annan skúla at fara í eftir summarfrítíðina.
Nú bjóðar skúlin í Nólsoy seg fram sum ein lítil skúli, ið eisini er vanur við at hava næmingar, sum dagliga ferðast úr Havn og til Nólsoyar fyri at fara í skúla.
Trýst á pílin undir myndini fyri at hoyra Jákup av Skarði, fyrstalærara í Nólsoyar skúla, greiða frá, hvat er tað, sum fær hann at bjóða skúlan í Nólsoy fram.
