Heimasíðan hjá Varðanum í Gøtu visti í gjár at siga, at Jupiter landar 1,420 tons av matsild í Kollafirði, og at Tróndur í Gøtu hevði sett kósina ímóti Tvøroyri - við 1200 tonsum av matsild.
Tróndur í Gøtu og Høgiklettur hava partrolað eftir sild.
- Enn er nógv sild at fáa í Føroyskum sjógvi, men nú er lítið og einki er at síggja av makreli, sigur Varðin.
Sagt verður, at Jupiter gjørdi trý tóv. Veðrið er gott á leiðunum norðanfyri.
- Nótaskipini royna norðanfyri á umleið 63N og 5V. Annars hava tey roynt víða um í føroyskum sjógvi, veit Varðin at siga.
