Í ár eru fleiri børn fødd í Føroyum enn tað hava verið hesi seinastu árini. Higartil til ár eru 607 børn fødd á Landssjúkrahúsinum og væntandi verða eini 10-15 børn fødd afturat í ár, sigur Landssjúkrahúsið. Sostatt verður roknað við, at burðartalið verður eini eini 617 - 622 børn á Landssjúkrahúsinum í ár. Í fjør vóru 608 børn fødd á Landssjúkrahúsinum. Á Suðuroyar Sjúkrahúsi er 32 børn fødd í ár, og har væntað tey eini trý børn afturat áðrenn árið er runnið.
Sostatt eru higartil í ár fødd 639 børn í Føroyum og væntandi vera 13-18 børn fødd afturat. Tilsamans er tískil væntandi, at eini 652-657 børn fara at verða fødd í Føroyum í ár og tað er tað mesta hesi seinastu árini.
Eftir upplýsingum frá landslæknanum, vórðu 637 børn fødd í Føroyum í fjør og 619 børn vórðu fødd í 2012. Annars hevur føðitalið í Føroyum verið hetta hesi seinastu árini. 2011: 585 børn 2010: 650 børn 2009: 618 børn 2008: 675 børn 2007: 688 børn 2006: 673 børn 2005: 720 børn 2004: 725 børn 2003: 708 børn 2002: 716 børn |
