Spanska blaðið Marca vil verða við, at Real Madrid er at keypa álopsspælaran Ruud van Nistelrooy úr Manchester United. Týska felagið Bayern Munchen hevur eisini verið áhugað í hollendska spælaranum, men sambært Marca er tað Real Madrid, sum stendur fremst í køini. Real Madrid skal væntandi gjalda meira enn hundrað milliónir krónur fyri Nistelrooy. Menchester United sendi á sinni ein kekk á næstan 250 milliónir krónur til PSV Eindhoven fyri spælaran, sum hevur skotið sløk 100 mál fyri United seinastu fimm árini.
