Nicholas bjargaði 20 málroyndum - Dánjal og ÍBV eru eitt stig frá oddinum

Føroyski landsliðsmálverjin, Nicholas Satchwell stóð framúr væl í málinum hjá KA, ið vann 33-30 á HK á heimavølli á Akureyri í dysti í bestu íslendsku hondbóltsdeildini í kvøld. Nicholas bjargaði heili 20 atsóknum hjá HK. KA var á odda 19-18 í steðginum. 

Pætur Mikkjalsson skoraði tvey mál og Allan Norðberg skoraði eitt mál fyri KA, ið nú hevur vunnið seg upp á sera týðandi áttanda plássið sum gevur rætt til at spæla í endaspælinum.

Dánjal Ragnarsson skoraði aftur fýra mál fyri lið sítt, ÍBV sum á heimavølli vann 27-23 á Víkingi. ÍBV var á odda 14-13 í steðginum. Dánjal hevur skorað fýra mál í fleiri dystum á rað fyri ÍBV, og tað boðar frá góðum.

Seinasti dysturin hjá ÍBV undan veterarsteðginum verður á heimavølli móti Stjørnuni komandi fríggjakvøld. Sama kvøld spælir ÍBV á útivølli móti Víkingi.