Í komandi viku byrjar endaspælið í Champions League, har Paris Saint Germain skal spæla móti FC Barcelona. Fraklendingarnir verða tó uttan stóra stjørnuspælaran, Neymar, tí hann er aftur skaddur.
PSG spældi í gjár steypadyst móti Caen. Nýríka høvðusstaðarfelagið vann dystin 1-0, men tað telur nógv niður, at Neymar mátti av vøllinum við skaða í lærkrikanum. Felagið hevur í dag boðað frá, at Neymar helst skal sita uttanfyri í ein mánað.
Paris Saint Germain skal í komandi viku spæla móti FC Barcelona í 1/8 finalunum í Champions League. Brasilska álopsstjøran verður við vissu ikki við í fyrra dystinum, og tað er ein spurningurin um hann verður tøkur til returdystin í mars.
Champions League 1/8:
Týsdagin 16. feburar:
FC Barcelona – Paris Saint Germain (20.00)
RB Leipzig – Liverpool (20.00)
Mikudagin 17. feburar:
FC Porto – Juventus (20.00)
Sevilla – Borussia Dortmund (20.00)
Týsdagin 23. feburar:
Atletico Madrid – Chelsea (20.00)
Lazio – Bayern Munchen (20.00)
Mikudagin 24. feburar
Atalanta – Real Madrid (20.00)
Borussia Mönchengladbach – Manchester City (20.00)
