Aðalfundur
Føroya Tannlæknafelag hevði ársaðalfund fríggjakvøldið 28 september. Á fundinum varð nevndin afturvald.
Nevndarval er á hvørjum ári, og hesaferð var einki mótvalevni til teir tríggjar envndarlimirnar, sigur Tannlæknafelagið í tíðindaskrivi.
Á triðja ári er Kaj Atnhoniussen nú formaðuri í Føroya Tannlæknafelag saman við tveimum kvinnuligum nevndarlimum.
Unn Jacobsen er skrivari, meðan kassameistarin eitur Unnur Jensen.
Føroya Tannlæknafelag upplýsir í tíðindaskrivinum, at tað í dag eru 42 virkandi tannlæknar í Føroyum. Tað heldur felagið eftir øllum at døma vera nokk, tí viðmerkt verður, at øll øki í landinum tykjast vera væl fyri við tannlæknum.
