Ein tættur og intensur dystur í Havn endaði við at Neistin vann 25-22 móti Kyndli, eftir at hálvleikstøðan hevði verið javnleikur 12-12.
Besti málskjútti hjá Neistanum var Tróndur Kragesteen við seks málum, meðan Josef Abrahamsen skoraði flest mál hjá Kyndli, tey vóru fimm í tali.
Heili fýra ferðir fekk Neistin útvísingar, meðan Kyndil fekk eina. Hetta ber brá av at hava verið ein tættur og intensur dystur, sum Neistin vann móti endanum, við trimum málum.
Í høllini á Skála spældu StÍF móti H71, og har vann hitt oddaliðið StÍF.
Eins og í Havn, var eisini javnt í hálvleikinum á Skála, men málini vóru færri. Støðan í steðginum var 10-10.
Stórskjúttarnar Sveinur Justinussen og danin Danni Syhler skutu 6 mál hvør, meðan Esbern Pætursson fekk 8 mál fyri H71.
