Neistin og Madeira SAD spæla Europacup dyst í Høllini á Hálsi í kvøld klokkan 19.
Neistin hevur spælt seg víðari í Evropacup kappingini sum fyrsta hondbóltslið nakrantíð og spælir í øðrum umfari ímóti næstbesta liðnum í portugisisku kappingini, sum er heimahoyrandi á oynni Madeira.
Hetta er spennandi avbjóðing og eitt forkunnugt lið at spæla í móti, sigur Neistin á heimasíðuni.
Tey í Neistanum ætla at fáa nógvar áskoðarar til dystin, og skipað hevur verið fyri upphiting í Neistarúmini frá klokkan 17.
Útvarpið sendir frá dystinum, og frásøgumaður verður Suni Merkistein.
