Neistin knógvaði kollfirðingum

Stríðið um tey fýra ovastu plássini er víðopið aftur, eftir at Neistin fór við báðum stigum í Kollafirði í kvøld eftir úrslitið 26-21.

Sí eisini:

Endurtøka av ársins drama klokkan 17.00

KÍF-Neistin 21-26: Dystarendin og samrøður frá FM1

Neistin tóktist at hava avgjørt dystin miðskeiðis í seinna hálvleiki, tá ið leiðslan kom upp í seks mál og Nicklas Selvig hevði fingið sína triðju útvísing. Tá ið Hans Eli Sigurbjørnsson, sum var við eftir skaðasteðg, heldur ikki fekk ferð á sína vanligu málskjóting, gjørdist tað sera trupult hjá kollfirðingum í seinna hálvleiki. Ungu neistamenninir, Dánjal Ragnarsson, Tróndur Mikkelsen, Julian Kragesteen og Karl Martin Olsen gingu undan í álopinum, og so við og við fekk Rasmus Søby eisini stillað siktið, og fór at høgga bóltarnar í netið.

Men KÍF fann eitt eyka vápn, tá ið Rani Højgaard fór at bjóða av. Hann sendi fýra harðar bóltar í málið, so at tey seks málini á muni brádliga vóru eitt, tá ið einir tríggir minuttir restaðu í. Men spenningurin fánaði brádliga, tá ið Neistin revsaði tveimum mistøkum, og økti enn meira upp í úrslitið 26-21 til Neistan.

Sí myndir frá dystinum niðanfyri hagtølini

Støðan í Okkaradeildini

##ms##