Seinastu samdøgrini hevur tað verið friðarligt hjá løgregluni, men onkrar uppgávur hava verið í ferðsluni, nú vegirnir eru hálir.
Fleiri smærri ferðsluóhapp hava verið, men í flestu førum hevur talan verið um materiellar skaðar, fleiri smærri og onkrar størri skaðar.
Í nátt hevur løgreglan eisini verið úti í miðstaðarøkinum og tikið nummarspjøldur av bilum, har viðurskiftini hjá eigarunum ikki vóru í lagi.
- Soleiðis mistu átta bilar í Suðurstreymi nummarspjøldrini í nátt, visti vaktleiðarin at siga í morgun.
Í slíkum førum er talan oftast um, at bilurin ikki hevur verið til sýn - ella, at eigarin ikki hevur goldið fyri trygging ella vektgjald rættstundis.
