Í morgun boðar Klaksvíkar kommuna frá, at ein stórur partur av Klaksvíkini - øll eystursíðan og partur av vestursíðuni - hevur mist vatnið.
Men, tað eru eisini onnur øki í kommununi, sum hava mist vatnið, eitt nú Ánirnar, Norðurhavnin og Norðoyri.
Orsøkin til, at skrúvað er fyri vatninum í hesum økjum, er knappligt brot á høvuðsvatnleiðingini við Ánagjógv.
- Arbeitt verður í løtuni við at umvæla skaðan, sum er komin á høvuðsvatnleiðingina, siga tey í Klaksvíkar kommunu í morgun.
