Mentanarhúsið Salt verður handað 27. mars. Eftir fleiri krókutar vegir sær nú endiliga út til, at arbeiðið at dagføra gomlu saltgoymsluma verður liðugt um smáar tríggjar vikur.
Arbeiðið byrjaði í 2013 og skuldi upprunaliga standa liðugt í 2015, men fíggingin av verkætlanini sveik nakrar ferðir. Løgtingið, Tvøroyrar kommuna og Mærsk grunnurin veittu tó fígging til endans, so verkætlanin kundi gerast liðug.
Les eisini: Nú verður farið undir projektið SALT á Drelnesi
Les eisini: Nú fær Salt 3 milliónir frá Tvøroyar Býráð
Ólavur Rasmussen, nevndarformaður í Salt, sigur, at tað verður einki gjørt burturúr, at mentanarhúsið á Drelnesi nú fer at verða liðugt. Fyri fyrst í øllum førum.
- Vit fara stillisliga inn at vaska og royna alla útgerðina. Tað er nógv útgerð, ið ikki er roynd en nog tað mugu vit gera allarfyrst, sigur Ólavur Rasmussen.
Viðvíkjandi setan av stjóra til Salt, so sigur Ólavur Rasmussen, at tað er ikki í teirra hondum í løtuni, men liggur hjá fíggjarmálaráðnum.
Les eisini: Salt fær nú 1.6 milliónir afturat frá landinum
Fíggjarmálaráðið hevur játta 2.5 milliónir í rakstrarstuðli til Salt í 2017, 2018 og 2019.
