Fríggjadagin verður aftur veðurlagsverkfall á Vaglinum í Havn.
Veðurlagsbroytingar vóru fleiri fríggjadagar fyrr í ár, men í summar hevur alt ligið stilt. Men nú verða tey so tikin upp aftur.
Hesa vikuna, ímillum 20. og 27. September, eru stór veðurlagsverkføll kring allan heimin og á øllum heimspørtum, eisini á Suðurpólinum.
– Startskotið var fríggjadagin, tá ið eini fýra milliónir børn, ung og vaksin vóru á gøtunum feiri staðni kring heimin og kravdu, at veðurlagskreppan verður loyst.
Hesar næstu dagarnar fara fleiri lond, bygdir og býir at leggjast aftrat, og fríggjadagin 27. september verður veðurlagsverkfall eisini í Føroyum.
Tað verður á Vaglinum í Havn klokkan 12 fríggjadagin og tað verður Tjóðhild Patursson, stjóri á Mat og Moldmentanarháskúlanum á Sandi, sum ber fram røðu, men annars verður orðið frítt.
Kravið hjá mótmælisfólkunum er, at veðurlagsbroytingarnar verða tiknar í álvara, at vit lurta eftir vísindunum og at Føroyar gera alt tað, vit eru ment fyri at basa veðurlagsbroytingunum.
