Um miðjan januar í ár frættist, at »náttarkongarnir« Havgrímur Johannensen og Petur Olsen høvdu gjørt avtalu um at selja samtakið Rex, Eclipse og Café Natúr. Leygarkvøldið fór eigaraskiftið fram í Rex. Borðreitt var við føroyskum sushi og hvítvíni, tá Havgrímur Johannesen og Petur Olsen søgdu farvæl og takkaðu fyri seg sum eigarar av meginpartinum av náttarlívinum í Havn seinastu árini. Samstundis buðu teir báðir teimum trimum ungu nýggju eigarunum Poul Arna Jacobsen, Hans Jørguni Djurhuus og Eyðuni Simonsen vælkomnum inn í náttarlívið.
