Anders Fogh Rasmussen hevur givið tekin um, hvør skal loysa seg av sum floksformann og forsætisráðharraevni hjá Vinstra, men tann nýggja stjórnin boðar ikki frá tí ættarliðsskifti, sum fleiri danskir eygleiðarar høvdu roknað við.
Kanska heldur tvørturímóti. Tann einasti úr tí yngra ættarliðnum, sum slapp upp í part, er vinstramaðurin Troels Lund Poulsen, sum skal umsita umhvørvismál.
Í hinum aldursendanum var tað óvæntað, at vinstrakvinnan Birthe Rønn Hornbech kom í stjórnina, har hon umsitur innflytara- og kirkjumál. Tað er alment kent, at Birthe Rønn Hornbech og Danski Fólkaflokkurin hava ikki drigið eina línu í spurningum um innflytarar, og eygleiðarar tulka tilnevningina av henni sum eitt tekin frá forsætisráðharranum um, at hann er sinnaður at snara eitt sindur frá teirri hørðu kósini hjá stuðulsflokkinum.
Politiskir eygleiðarar í Keypmannahavn siga, at forsætisráðharrin hevur valt at fáa sær eina stjórn, sum er sett saman av royndum politikarum, samstundis sum ráðharravalið boðar frá, at hann vil hava eina meiri ágangandi stjórn.
3. stjórnin hjá Anders Fogh Rasmussen:
Forsætisráðharri: Anders Fogh Rasmussen.
Búskaparráðharri: Bendt Bendtsen.
Fíggjarmálaráðharri:Lars Løkke Rasmussen
Uttanríkisráðharri: Per Stig Møller.
Vælferðarmálaráðharri: Karen Jespersen
Arbeiðsmarknaðarráðharri: Claus Hjort Frederiksen.
Løgmálaráðharri: Lene Espersen.
Heilsumálaráðharri: Jacob Axel Nielsen
Innflytaramálaráðharri: Birthe Rønn Hornbæk
Umhvørvismálaráðharri:Troels Lund Poulsen
Orku- og veðurlagsmálaráðharri: Connie Hedegaard
Mentamálaráðharri: Brian Mikkelsen.
Kenslumálaráðharri: Bertel Haarder
Vísindamálaráðharri: Helge Sander.
Samferðslumálaráðharri: Carina Christensen
Matvørumálaráðharri: Eva Kjer Hansen.
Menningarmálaráðharri: Ulla Tørnæs.
Verjumálaráðharri: Søren Gade.
Skattamálaráðharri: Kristian Jensen.
