Í morgun hava allir flokkarnir í Fólkatinginum gjørt semju um at broyta reglurnar um hjúnaskilnað. Sum ein liður í broytingini, kunnu donsk hjún við børnum ikki longur skiljast í skundi, ynskja tey tað. Ístaðin skulu tey nú separerast í tríggjar mánaðir, áðrenn tey sleppa at skiljast.
Nú eru reglurnar soleiðis, at pør kunnu lata seg skilja á netinum við at rinda 420 krónur og at brúka nem-ID. Soleiðis hevur tað verið seinastu fimm árini, síðani seks mánaða seperatiónstíðin varð tikin burtur.
Nú veður separatiónstíðin aftur ein liður í hjúnaskilnaði í Danmark, men nú er tíðin stytt niður í tríggjar mánaðir. Í semjuni stendur, at hendan tíðin er ásett, fyri at geva foreldrum tíð at hugsa seg um í.
Í Føroyum er separatiónstíðin seks mánaðir, um hjúnini eru samd og eitt ár um ósemja er.
