Johnny í Grótinum fór úr stjórastarvinum 14. juni í ár, og síðani tá hevur Kári Sólstein røkt fyribils stjórasessin í Kringvarpinum. Men í dag hevur Kringvarpið lýst starvið sum stjóri leyst. Stjórin hevur dagligu programmábyrgdina og røkir fyrisitingarligu og búskaparligu leiðsluna av Kringvarpi Føroya, sum er skipað eftir løg tingslóg nr. 61 um kringvarp frá 16. mai 2006 við seinni broytingum.
- Sum stjóri ert tú álitisvekjandi, setir trúvirði í hásæti og er tann, ið myndar stovnin alment. Tú hevur viðkomandi leiðsluroyndir, viðkoman di miðallanga ella langa útbúgving og fyrimunur, um tú hevur miðlaroyndir. Tú eggjar til eldhuga, ert savnandi, megnar at fylgja settum málum og halda kósina. Tú hevur innlit í føroyska mentan, samfelags viðurskifti, greiða fatan av public service upp gávum Kringvarpsins og tryggjar eitt fakliga høgt støði á stovninum. Tú hevur grundleggjandi fatan av fyrisitingarliga og fíggjarliga rakstrinum av einum stovni, skrivar Kringvarpið í starvslýsingini.
Freistin at søkja starvið er 21. september á midnátt.
