- Flestu partrolarapør eru úti og fiska upsa, og fiskiskapurin er brúkiligur. Tó er lítið av hjáveiði. Møguliga landa tvey pør mánadagin og so nøkur seinni í vikuni.
Tað vita tey á Fiskamarknaði Føroya at siga í dag. Lagt verður aftrat, at trý partrolarapør liggja.
Tveir djúpvatnstrolarar fiska upsa, men eru nýliga byrjaðir túr. Tí er ivasamt, um teir koma inn í vikuni sum kemur. Tveir frystitrolarir fiska svartkalva.
- Í dag liggja allir teir smáu trolbátarnir við bryggju. Væntandi fara nakrir út um vikuskiftið og koma so væntandi inn aftur at landa síðst í næstu viku ella fyrst í aðru.
At enda verður sagt, at trý skip eru á svartkalvaveiði við gørnum. Tvey av skipunum koma inn at landa mánadagin og hin triði seinast í vikuni.
- Garnaskipini hava brúkiligan fiskiskap, verður lagt aftrat á Fiskamarknaði Føroya í dag.
