Frank Davidsen
Meðan Pol Pot tveitti tey mest dugnaligu fólkini í umsititngini út á rísmarkinar, so er ætlanin at hesir báðir stovnar bara soleiðis hissini verða parkeraðir inn á Gjaldstovuna. Kanska politiska leiðslan ætlar, at vitanin hjá hesum stovnum skal bombast aftur í tríssini. Búskaparráðið verður helst tað næsta, sum stendur fyri tørni, tí óansæð hvørji tilmælið Búskaparráðið kemur við, sum kann gagna tí búskaparligu gongdini, so er tað so eiðasørt, at nakað av h esum tilmælum vinnur upp land.
Henda avgerð hevur einki sum helst við nakra sparing at gera. Hinvegin so hevur henda ætlan eittans endmál, og tað er at seta Landsbankan og Hagstovuna í skák og mát, soleiðis at teirra lutur her eftir bara verður eitt eiti, meðan alt teirra virksemi kemur at vera politiskt stýrt.
At Fólkaflokkurin bardist við hond og fót í móti, at Landsbankin nakrantíð skuldi síggja dagsins ljós, tað vita flest øll sum hava fylgt við í politikki. Men at Sambandsflokkurin skal sita og hyggja at, meðan ein so týðandi stovnur verður niðurlagaður frá einum degi til dags, tað er skelkandi.
Men Sambandsins lutur í hesi samgongu er nú einaferð soleiðis, at teir tiga og samykkja. Aftaná tógvið stríð við at fáa tilfeingisgjaldið upp á pláss, til tess at fáa niðurgoldið skuld landskassans, so kemur fiskimálaráðharrin løtu seinri og greiðir fjølmiðlum frá, at tilfeingisgjaldið skal fíggja havrannsóknarskipið. Ja, mangt er so, segði Kjartan.
