Danski myndugleikar hava givið Praveen Satthi loyvi til at koma aftur til Føroya. Tað var fyrr í ár, at løgreglan bankaði á dyrnar á yogastaðnum í býnum í Havn við boðum um, at yogalærarin skuldi úr Føroyum sum skjótast.
Tað gjørdist til tógvið stríð millum eigararnir av Yoga&Vælvera og myndugleikarnar, men tá ið avtornaði var indiski maðurin noyddur at takka fyri seg. Tó so hava tey verið heldur kreativ í tíðini, meðan hann hevur verið í India. Tí umvegis Skype hevur hann framhaldandi undirvíst føroyingum í yoga - við einum hjálpara aftrat sær, sum var staddur í Føroyum, meðan hann var at síggja á skíggjanum.
Nú kemur hann aftur til Føroya. Mariann Klein Ivansdóttir, eigari av Yoga&Vælvera var í stórum vanda fyri at missa fyritøkuna, tá ið indiski lærarin varð sendur úr Føroyum, men orsaka av kreativum loysnum og yvirberandi kundum er fyritøkan framvegis livandi og klár at taka í móti indiska Praveen Satthi aftur.
