Nú umsóknarfreistin tann 1. juni er farin at søkja á Vinnuháskúlan, hevur skúlin finigð 152 skikkaðar umsóknir til tær fýra útbúgvingarnar, skúlin bjóðar.
Til skipara og skipsførara ynskja 66 umsøkjarar at verða upptiknir, og til maskinist og maskinmeistara ynskja 86 at verða upptiknir.
Játtan Vinnuháskúlans loyvir, at skúlin tekur upp fýra flokkar, ein til hvørja útbúgving, og byrja tí 26 lesandi í hvørjum byrjunarflokki tilsamand 104 tann 1. august, tá skúlin byrjar aftur aftan á summarfrítíðina.
Næmingatalið á Vinnuháskúlanum kemur upp um 300 eftir summarfrítíðina.
Próvtøkur eru nú á Vinnuháskúlanum, og próvhandanin verður tann fríggjadagin 17. juni klokkan 10 í Nóatúni.
