Landsstýrismaðurin í vinnumálum hevur sett Rógva Andrias Fossádal sum stjóra á Rúsdrekkasølu Landsins.
Rógvi Andrias Fossádal er 45 ára gamal og er útbúgvin cand.merc. Hann hevur drúgvar royndir frá privata vinnulívinum m.a. innan handil, sum virkar á altjóða marknaðinum. Rógvi hevur eisini starvast sum fíggjarleiðari innan privata vinnulívið í Danmark.
Seinastu tvey árini hevur hann starvast sum fíggjarleiðari á Rúsdrekkasølu Landsins, og hann hevur seinastu mánaðirnar røkt starvið sum fyribilsstjóri á Rúsdrekkasølu Landsins. Rógvi tekur við starvinum 1. desember.
