Ford kundu í fjør hátíðarhalda at 40 ár vóru liðin síðan Ford Transit fyrstu ferð kom á marknaðin.
Tað eru nú nøkur ár síðan hesin Transit, sum nú fær eina sonevnda facelift, kom á marknaðin. Tað sum eyðkennir bilin eru tær loddrøttu síðurnar og rúmilga vørurúmi.
At síggja til er størsta broytingin framman við nýggjum kúfangara, kølaragittari, lyktum og tí størsta Ford-búmerkinum (ovalinum) í evropeiska modell-programminum.
Kabinan er nýggj við nýggjum instrumentborði og ratti og nú situr girstongin í sjálvum instrumentborðinum.
Seks ymiskir dieselmotorar vera at velja ímillum, harav tveir eru nýggir: 2,2 litur og 2,4 litur Duratorq TDI við antin fimm ella seks-trins girkassa.
Transit er bert tann fyrsti av fleiri nýggjheitum frá Ford í ár, seinni koma ein nýggjur S-MAX og Galaxy. Nýggi Ford Transit kemur á marknaðin í august.
