Í gjárkvøldið var aðalfundur í Tofta Ítróttarfelag, sum er felagið hjá fótbóltinum á Toftum.
B68 skal í ár spæla í bestu deildini, eftir at besta liðið hjá toftamonnum fýra tey seinastu árini hevur verið í næstbestu deildini.
Undan aðalfundinum var tað greitt, at nýggjur formaður skuldi veljast. Jóhannus M. Olsen hevði boðað frá, at hann tók ikki við afturvali, og Jákup A. Olsen og Arni Winthereig fóru eisini úr nevndini.
Á aðalfundinum í gjárkvøldið varð samtykt at víðka nevndina úr fimm og upp í sjey limir.
Nývaldur nevndarlimur og nýggjur formaður er Oddmar Andreassen.
B68 veit at siga, at nýggja nevndin hevur skipað seg soleiðis:
Oddmar Andreassen, formaður
Petur Gaardlykke, næstformaður
Niclas Allan Danielsen, peningarøkil
Jógvan Hendrik Johannesen, skrivari
Hanna Krista Poulsen, ungdómsábyrgdari
Djóni Højgaard, nevndarlimur
Ian D. Jacobsen, nevndarlimur
Allir nevndarlimirnir eru nývaldir uttan Niclas Allan Danielsen og Djóni Højgaard.
