Anna Rein er nýggjur formaður í nýggju nevndini, har Uni Arge er nýggjur næstformaður. Kyndil hevði aðalfund seinasta mikukvøld, og her varð nýggj 5-mannanevnd vald at stjórna felagnum. Nýggja nevndin hevur skipað seg, og har sita Anna Rein, forkvinna, Uni Arge, næstformaður, Tórður Patursson, kassameistari, Ussa Hansen, nevndarlimur, og Marjun Jensen, nevndarlimur. Kyndil vann herfyri fimm steypakappingar við ungdómsliðum, og í tíðindaskrivi verður sagt, at felagið miðar eftir at menna ungdómsdeildina uppaftur meira. 1. kvinnulið hjá Kyndli hevur spælt seg uppaftur í Sunset-deildina, og 1. manslið kappast um at røkka finaluplássi í Atlantic Airways-kappingini.
