Í gjárkvøldið var undanumfarið av GBOB-kappingini (The Global Battle of the Bands) og sera nógv fólk vóru farin til Fuglafjarðar fyri at uppliva konsertirnar. Tað, sum var serliga eyðkent fyri kvøldið, vóru fleirr ókendir tónleikabólkar og heavy metal.
James Olsen, sum var vertur hetta kvøld, var sum vant sera vælupplagdur og eftir einari stuttari presentatión, gav hann orðið til tónleikabólkin TME úr Hvalvík, sum eisini tók lut í GBOB í ?05 og ?06. Hesir løgdu hart út við einum ógvusligum enskum lagi um deyðan.
Hóast standardurin kanska ikki var eins høgur og undanfarnu árini, vóru eisini fleiri áhugaverdir bólkar hetta kvøld. Av áhugaverdu bólkunum, ið ikki komu víðari til finuluna í kvøld kunnu hesir m.a. nevnast:
A-larm: Einastu genturnar hetta kvøld vóru í bólkinum higartil yngsta bólkinum í GBOB, A-larm, úr Klaksvík. Útyvir at hava ein kvinnuligan forsangara, skilti bólkurin seg eisini burturúr við at spæla popp-rokk.
Concrete: Forsangarin úr Klaksvík legði út við at siga ?Hetta verður eitt sindur øðrvísi enn tað, tit hava hoyrt í kvøld og tað er kanska tað svakasta, tit fara at hoyra? og harvið var huglagið til framførsluna lagt. Fyrsta lagið hjá teimum, ?al-Quaeda?, var eisini rættiliga provokerandi. Og tað var ivaleyst gott hjá áhoyrarunum við einum lítlum steðgi frá harða rokkinum.
Fleiri av tónleikarunum vóru rættiliga ónøgdir við tøknina hetta kvøldið, tí teir ikki søgdu seg hoyra seg sjálvar og tískil høvdu teir ringt við at spæla saman.
