Samstarvsavtala við danska realkredittstovnin DLR gevur nú Suðuroyar Sparikassa nýggjar møguleikar at fíggja bústaðir.
Tað var á 75 ára føðingardagshaldinum hjá Suðuroyar Sparikassa í fjør heyst, at stjórin, Søren L. Bruhn, almannakunngjørdi, at Suðuroyar Sparikassi hevur gjørt samstarvsavtalu við danska realkredittstovnin.
- Vit fegnast um avtaluna, sum gevur okkara viðskiftafólki enn fleiri møguleikar at fáa fíggja sín bústað – eisini við fastari rentu, sigur Søren L. Bruhn, sum vísir á at Suðuroyar Sparikassi kemur á marknaðin við realkredittfíggingini í nærmastu framtíð.
Stjórin vísir á, at Suðuroyar Sparikassi hevur havt nøkur fólk í Danmark til upplæring í sambandi við nýggju møguleikarnar, og tey arbeiða nú við fullari ferð fyri at fáa alt upp á pláss.
