Fyrst gekk leiðin til Klaksvíkar, og um middagsleitið stevndi Smyril inn á Pollin. Skipið legði tó ikki at, so Klaksvíkingar fingu ikki høvið at fara umborð í hesum umfari. Rættiliga nógvir bilar vóru tó at síggja á Ánavegnum, har útsýnið yvir á Smyril var av tí besta.
Eftir vitjanina í Klaksvík, legði Smyril leiðina inn á Fuglafjørð, har skipið kom inn á fjørðin kl. 15.00. Komin væl inn á fjørðin byrjaði Smyril at floyta, og bæði bátar og bilar heilsaðu skipinum vælkomnum við at floyta aftur. Fáar minuttir seinni fór Smyril avstað aftur.
