Grønland hevur fingið nýggjan bisp. Tað er 43 ára gamla, Paneeraq Siegstad Munk úr Attu, sum er vald at taka sær av embætinum. Tá bispaval var í Grønlandi hin 2. september í ár, fekk hon flestar atkvøður. Síðan 1995 hevur Sofie Petersen verið bispur í Grønlandi.
Sambært Sermitsiaq gjørdist Paneeraq Siegstad Munk bachelor í teologi í 2001, og í 2017 gjørdist hon kandidatur í teologi á Keypmannahavnar Universiteti. Men, tað var longu í 2004, at hon fór í prestagerningin, sum tað verður rópt. Tá gjørdi hon av at taka ein steðg í kandidatlesnaðinum.
Síðan hon gjørdist prestur í 2004, hevur hon verið prestur í ymiskum bygdum í Grønlandi, og síðan 2017 hevur hon verið próstur í Provsteqarfik Kujataa. Paneeraq Siegstad Munk tekur við embætinum sum bispur í Grønlandi hin 1. desember í ár, men sjálv bispavígslan er útsett, til mett verður, at traditionella hátíðarhadið kann verða.
