Áður hevur verið tosað um, at Súni Schwartz Jacobsen hevur nógv vald í TF Samtakinum.
Men tað valdið er lítið í mun til tað, sum forstjórin nú hevur. Tí í dag hevur samtakið skift samleika og bygnað og nú er Súni Schwartz Jacobsen forstjóri í Eik, í Tryggingarfelagnum, í BetriPensjón og móðurfelagnum Betri P/F, fyrr TF Holding.
Tað einasta felagið undir samtakinum, har Súni Schwartz ikki er forstjóri er í nýggja Betri Heim - húsameklingarfyritøni. Har er hann nevndarformaður.
Áðrenn í dag var Súni Schwartz Jacobsen einans stjóri í Eik og móðurfelagnum TF Holding. Nú er valdið hjá Súna Schwartz vaksið munandi við heili fýra forstjórasessum og einum nevndarformanssessi.
Hetta skrivar samtakið í tíðindaskrivi.
Samtakið er nú skipað við móðurfelagnum Betri p/f og dótturfeløgunum Betri Banki, Betri Trygging, Betri Pensjón, umframt Betri Heim, sum er dótturfelag hjá bankanum. Hesi feløgini eru stjórnað soleiðis:
Betri p/f
Arni D. Brattaberg, formaður, Súni Schwartz Jacobsen, forstjóri Betri Banki p/f
Torben Nielsen, formaður, Súni Schwartz Jacobsen, forstjóri Betri Trygging p/f
Lars Bonde, formaður, Súni Schwartz Jacobsen, forstjóri og Jean Djurhuus, stjóri Betri Pensjón p/f
Bogi P. Nielsen, formaður, Súni Schwartz Jacobsen, forstjóri og Helgi L. Petersen, stjóri Betri Heim p/f
Súni Schwartz Jacobsen, formaður og Kára á Dunga, stjóri
