Eftir at hava verið trilvandi eitt skifti, er KÍ aftur á toppinum í kvinnukappingini.
Í góðveðrinum í Klaksvík vann heimaliðið 6-0 ímóti B36.
Veteranurin Rannvá B. Andreasen og ein av ungu spælarunum, Evy á Lakjuni, skoraðu tvey mál í part.
Toppdysturin hesa ferð var í Gundadali, har meistaraliðið EBS/Skála var gestur hjá HB. Gestirnir løgdu seg framum miðskeiðis í fyrra hálvleiki, men eftir steðgin svaraði heimaliðið aftur. Sjey minuttir eftir steðgin var javnt, og vanliga leiktíðin var væl og virðiliga farin, tá ið Lea Hansen skoraði siugursmálið fyri HB.
Á Svangaskarði vann ÍF/Víkingur trivaligan 4-0 sigur í grannauppgerðini ímóti B68, sum saman við B36 framvegis ikki hevur vunnið, nú kappingin er átta umfør gomul.
KÍ – B36 6-0 (4-0)
1-0: Rannvá B. Andreasen 8.
2-0: Katrina Akursmørk 11.
3-0: Maria Thomsen 16.
4-0: Evy á Lakjuni br 45.
5-0: Rannvá B. Andreasen 55.
6-0: Evy á Lakjuni 64.
B68 – ÍF/Víkingur 0-4 (0-2)
0-1: Jensa Torleivsdóttir 22.
0-2: Jensa Torleivsdóttir 29.
0-3: Nelly Váðklett 84.
0-4: Arnborg Lervig 85.
HB – EBS/Skála 2-1 (0-1)
0-1: Birna Mikkelsen 23.
1-1: Heidi Sevdal 52.
2-1: Lea Hansen 92.
Støðan eftir átta umfør
| KÍ | 8 | 7 | 0 | 1 | 31 | 7 | 21 |
| HB | 8 | 7 | 0 | 1 | 28 | 9 | 21 |
| EBS/Skála | 8 | 6 | 0 | 2 | 33 | 8 | 18 |
| ÍF/Víkingur | 8 | 3 | 0 | 5 | 13 | 15 | 9 |
| B68 | 8 | 0 | 1 | 7 | 3 | 36 | 1 |
| B36 | 8 | 0 | 1 | 7 | 3 | 36 | 1 |
9. umfar
Sunnudagin 27. mai
B36 - B68
ÍF/Víkingur - HB
EBS/Skála - KÍ
