Ein av heilt spennandi spurningunum undan 10. umfari er, hvussu tað fer at ganga, tá ið TB 2. hvítusunnudag fyri fjórðu ferð eigur heimavøll á nýggja vøllinum við Stórá í Trongisvági.
Í trimum teimum fyrstu royndunum hevur úrtøkan verið full. Tað var ivaleyst óvæntað, at tað fyri viku síðani eydnaðist at vinna trivaligan sigur á HB. Nú kemur EB/Streymur, sum rættuliga hevur undanvind, at vitja.
Hjá TB er kapping um plássini á liðnum, og allir spælararnir eru tøkir.
Egil á Bø, liðformaðurin hjá EB/Streymi, noyddist av vøllinum miðskeiðis í 2. hálvleiki í steypadystinum ímóti HB mikukvøldið. Teir í Sundalagnum vóna, at hann verður tøkur 2. hvítusunnudag. Arnbjørn Hansen tók seg dygst undan dystarbyrjan av liðnum, tí hann var sjúkur. Tað er kapping um plássini, tí bæði Pætur Dam Jacobsen og Pauli G. Hansen nú eru tøkir.
Tá ið hesi bæði liðini hittust við Margáir í 3. umfari var úrslitið 1-1.
TB - EB/Streymur:
Dagfinn Forná
2. hvítusunnudag kl. 15.00
