Seinasta sunnudag varð skipað fyri kassabilakoyring í Skopun, og hetta gjørdist enn einaferð eitt sera væleydnað familjutiltak.
- Vit takka fyri ein sera góðan dag, og vit takka fyri góðu undirtøkuna og fyri allan stuðul, siga tey á Facebook-vanganum hjá Visit Skopun.
Á vanganum síggjast fleiri myndir av tiltakinum, og her er eisini yvirlit yvir, hvørjir vinnararnir í kappingini vóru.
Tríggir væl kvalifiseraðir dómarar vóru til kappingina, og eftir kappingarlok segði høvuðsdómarin, Karl Vidtfeldt, at øll vóru vinnarar á degum.
Frálíku myndirnar frá stóra og forvitnisliga kassabilatiltakinum í Skopun eigur Photopoulsen, sum er Petur Poulsen í Skopun.
Tað vóru Kristvør Kolden saman við Skopunar kommunu og Visit Skopun, ið stóðu fyri serstaka kassabilatiltakinum.
Eftir handanina av heiðursmerkjum var konsert við eitt nú Herborg Torkilsdóttir, og í Skopun var eisini høvi at keypa sær mat og drekka henda dagin.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
