Ukrainski býurin Zaporizjzja, sum liggur í landspartinum við sama navnið, er í dag álopin í einum drepandi rakettálopið.
Ta sigur guvernørurin í økinum, Oleksandr Starukh.
– Higartil eru 23 deyð og 28 særd. Øll eru sivil fólk, skrivar ukrainski guvernørurin á samskiftistænastuni Telegram.
Álopið rakti fleiri sivilar bilar í útjaðaranum av ídnaðarbýnum.
Eitt eygnavitni frá tíðindastovuni Reuters greiðir frá um deyð fólk, sum liggja á vegnum ella í raktu bilunum. Í nógvum bilum eru rútarnir brotnir av ógvusligu spreingingini.
Ukraina leggur Russland undir at standa aftan fyri dagsins álop.
##med2##
Russland hevur fleiri ferðir víst aftur at tað stendur aftan fyri álop á sivil fólk í sambandi við yvir sjey mánaðir drúgva kríggið í Ukraina.
Ein prorussiskur embætismaður í Zaporizjzja ákærir sambært tíðindstovuni AFP Ukraina fyri at hava ábyrgdina av álopinum.
Zaporizjzja-økið er ein av fýra landspørtum, sum russiskar deildir hava hersett og hava valdið á. Seinnapartin hevur Vlademir Putin forseti í Russlandi boðað frá, at Zaporizjzja, Luhansk, Donetsk og Kherson eru russisk øki.
##med2##
Verandi kríggið í Ukraina hevur vart í yvir sjey mánaðir – síðani 24. februar. Tað byrjaði um morgunin eftir eina røðu hjá Putin.
/ritzau/Reuters
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##