Frakland hevur nú fingið HM-steypið, sum er endaliga staðfestingin av, at Frakland er heimsmeistari, eftir at hava vunnið 4-2 á Kroatia í finaluni. Tað var liðskiparin og málverjin hjá Fraklandi, Hugo Lloris, sum tók ímóti steypinum.
Les eisini: Frakland HM-vinnari í málroki
Tað gekk rúm tíð, frá tí at dómarin bríkslaði fyri seinastu ferð, til at HM-steypið var á fronskum hondum. Millum annað fór tað at oysa niður, meðan kroatisku spælararnir tóku móti silvurheiðursmerkjunum.
Tá forsetin í FIFA, Gianni Infantino, lat steypið til franska liðskiparan vóru øll á vøllinum plaskvát. Tað gjørdi so eisini, at spælararnir stuttleikaðu sær óført á vøllinum aftaná, við millum annað at tveita seg fram eftir rommum, meðan myndafólkini tóku myndir.
Niðanfyri eru nakrar HM-finaluni 2018, sum Frakland vann 4-2 á Kroatia.
