"Fuck jeres penge - I har klimagæld! Jeres grådighed slår jeres børn ihjel!"
Soleiðis ljóðaði millum annað á Ráðhúsplássinum í Keypmannahavn seinnapartin í dag, tá túsundatals børn og ung savnaðust fyri at fara í veðurlagsverkfall í fýra tímar.
Unga ættarliðið í Danmark krevur eins og onnur børn og ung úr øllum heiminum at síggja umfatandi broytingar í samfelagnum til frama fyri umhvørvinum og veðurlagnum.
##med2##
Fleiri milliónir hava nevniliga møtt upp til veðurlagsverkføll kring heimin í dag fyri at leggja trýst á veðurlagstoppfundin hjá ST, sum verður í New York mánadagin.
Seinni í dag kemur ein filmur, har vit spurdu nakrar av verkfallsluttakarunum í Keypmannahavn, hví tey vóru farin í veðurlagsverkfall, og hvussu tey halda, at veðurlagskreppan skal loysast. Inntil tá ber til at síggja nakrar myndir frá stóra veðurlagsverkfallinum.
##med3##
##med4##
##med5##
Til ber at síggja enn fleiri myndir við at trýsta á boksina niðanfyri:
##ms##
