- Eg haldi tað vera púra rætt at leggja øll sjúkrahúsini undir felags leiðslu, og tað grundgevi eg við, at í framtíðini verða vit noydd at raðfesta í heilsuverkinum, ar karmarnir til tað fakliga verða sterkari, sigur Páll á Reynatúgvu.
Hann heldur tað frægasta fakliga umhvørvið fæst á Landssjúkrahúsinum.
Tað kemur ikki upp á tal at niðurleggja nakað virksemi á Suðuroyar Sjúkrahúsi, tí Suðuroyggin er so fjarskotin, og Klaksvíkar Sjúkrahús eigur ikki at verða niðurlagt. Tað sjúkrahúsið hevur nógv verið brúkt til enduruppvenjing, og tann parturin átti at verið styrktur, so Klaksvíkar Sjúkrahús verður ein miðstøð fyri enduruppvenjing umframt at hava bráðfeingis móttøku, heldur Páll á Reynatúgvu, sum eisini úttalar seg sum fysioterapeutur.
Hann heldur annars, at neyðugt verður at kjúkla meira um Landssjúkrahúsið, sum er og verður álit okkara.
