Føroyska kórið Mpiri verður sunnudagin at hoyra á Norðuratlants Bryggjuni í Keypmannahavn. Konsertin byrjar kl. 16.00.
Undir heitinum Svøvnur og Dreymar bjóðar føroyska kórið Mpiri til eina várkonsert í hølunum, har framsýningin hjá ungum føroyingum nú er. Samtíðarlistin hjá ungu listafólkunum ber heitið Udvandring.
Í samband við hesa konsertina hevur kórið sett fokus á komponistar, sum hava arbeitt við svøvni ella ikki-vaknum støðum.
Kórið syngur hendan seinnapartin alt frá vøgguvísum til meira andaligar tulkingar av dreyma heiminum. Konsertin verður sunnudagin kl. 16.00 í hølunum á stovuhæddini, og ætlanin er, at konsertin skal renna saman við listini í rúminum.
Tú kanst lesa meira um konsertina hjá Mpiri á Facebook síðuni her:
