Tá Aksel V. Johannesen týsdagin tilnevndi tey sjey landsstýrisfólkini, ið saman við honum skulu mynda tað útinnandi valdið næstu árini, so vóru fleiri nýggj andlit millum teirra.
Tað vil siga nýggj í tí týdningi, at tey ikki áður hava verið landsstýrisfólk, men einans hava havt sæti á løgtingi. Tey eru Poul Michelsen, Sirið Stenberg, Eyðgunn Samuelsen, Rigmor Dam og Henrik Old.
Fyri tveimum teirra verður í dag skipað fyri felags móttøku í nýggju ráðunum, tá Almannamálaráðið og Heilsu- og Innlendismálaráðið bjóða til móttøku fyri landsstýriskvinnunum í heilsu- og innlendismálum, Sirið Stenberg, og almannamálum, Eyðgunn Samuelsen.
Móttøkan verður í dag klokkan klokkan trý í Almanna- og Heilsumálaráðnum, Eiragarður 2.
