Maður á motorsúkklu rent í reyvina á bili, sendur á LS, við vit.
Um eitt-tíðina í dag fekk løgreglan eina fráboðan um eitt ferðsluóhapp í Hvalvík.
Talan var um eina motorsúkklu, sum hevði rent upp í afturpartin á einum bili beint við innkoyringina til Hvalvíkar.
Vakthavandi á løgreglustøðini í Havn sigur, at førarin á motorsúkkluni bleiv koyrdur á Landssjúkrahúsið við sjúkrabilinum. Førarin var vakin, sambært vakthavandi.
