Tað 66 metrar langa farmaskipið Mokosica úr Tórshavn fekk fyrr í morgun maskinsteðg.
Skipið liggur í løtuni við kai í Valderøya.
Ein av manningini umborð á bjargingarbátinum Emma Dyvi sigur við NRK, at farmaskipið var á veg til Kristiansund, men fekk trupulleikar við motorinum, tá teir sigldu gjøgnum Valderhaugfjord.
Mokosica sigldi á land, men fór ikki at leka.
- Vit sleipaðu skipið út á fjørðin aftur, og í løtuni liggur Mokosica við kai, har roynt verður at fáa motorin í gongd aftur.
Skipið verður eftir ætlan sleipað til Ålesund seinni í dag.
