Fleiri brúgvaløg flyta seg komandi dagarnar yvir Føroyar úr suðri og hava regn við sær.
Í dag verður eitt gul til stívt andøvsgul av landsynningi, 5 til 10 metrar um sekundið og í støðum strúkur í vindi, 13 metrar um sekundið. Skýggjað og regn og hitin um 10 stig. Í kvøld og í nátt eitt gul til stívt andøvsgul av landsynningi og suðri, 5 til 10 metrar um sekundið. Skýggjað og támut og regn av og á. Hitin um 10 stig.
Mikudagin verður eitt lot til andøvsgul av suðri, sum snarar í ein eystan og landnyrðing, 2 til 7 metrar um sekundið. Skýggjað og stundum regn. Hitin millum 10 og 15 stig. Um náttina eitt gul til stívt andøvsgul av landnyrðingi, sum snarar í ein sunnan og landsynningi, 5 til 10 metrar um sekundið. Skýggjað og nakað av regni. Hitin um 10 stig.
Hósdagin verður eitt gul til stívt andøvsgul av suðri og útsynningi, 5 til 10 metrar um sekundið. Skýggjað og fyrst regn, men sum líður út á dagin, klárar hann í. Hitin millum 10 og 13 stig. Um náttina eitt lot til andøvsgul av suðri og útsynningi, 2 til 7 metrar um sekundið. Skýggjað, men yvirhøvur turt. Hitin um 10 stig.
Fríggjadagin verður eitt lot til andøvsgul av suðri, sum snarar í ein landsynnin, 2 til 7 metrar um sekundið. Yvirhøvur turt og í støðum onkrir sólglottar. Hitin millum 10 og 13 stig. Um náttina eitt gul til stívt andøvsgul av landsynningi, 5 til 10 metrar um sekundið. Skýggjað, men yvirhøvur turt. Hitin millum 7 og 10 stig.
Leygardagin verður eitt andøvsgul upp í ein strúk av vindi av landsynningi og eystri, 8 til 13 metrar um sekundið. Um náttina snarar hann í ein útsynning og minkar vindin til eitt gul til stívt andøvsgul, 5 til 10 metrar um sekundið. Skýggjað, og um náttina regn. Hitin um 10 stig.
Sunnudagin verður eitt gul til stívt andøvsgul av suðri og útsynningi, 5 til 10 metrar um sekundið, um náttina eitt lítið lot av ymsum ættum. Yvirhøvur turt og kanska sær sólin. Hitin alt samdøgrið millum 8 og 13 stig.
Mánadagin verður so frá líður eitt gu til stívt andøvsgul av landnyrðingi, 5 til 10 metrar um sekundið. Yvirhøvur skýggjað og eitt sindur av regni av og á. Hitin millum 8 og 13 stig.
